Ինչպե՞ս խնամել մաշկն աշնանը
Դեմքի մաշկի խնամքը աշնանը լուրջ և կարևոր խնդիր է յուրաքանչյուր կնոջ համար։Տաք սեզոնից անցումը ցածր ջերմաստիճանի և բարձր խոնավության՝ քամու ուղեկցությամբ, դեմքի համար իսկական փորձություն է, և այժմ արժե մտածել, թե ինչպես պետք է աշնանը փոխել մաշկի ամենօրյա խնամքը։
Աշնանը մաշկը առավելագույն խոնավացում, սնուցում և պաշտպանություն է պահանջվում, ուստի արժե ավելի ուշադիր ընտրել խնամքի միջոցները։ Այս ժամանակահատվածում մաշկը դառնում է խոցելի և չի կարող ինքնուրույն դիմակայել շրջակա միջավայրի ազդեցությանը:
Աշնանային պրոցեդուրաներն անհնար են առանց դիմակների։ Դիմակները օգնում են մաշկին վերականգնվել ,պահպանել այն լավ վիճակում, հաղորդում են փայլ, հարթություն, առաձգականություն և խոնավեցում։Նորմալ մաշկի համար կարող եք օգտագործել խաղողի, խնձորի, տանձի դիմակներ:Յուղոտ մաշկին անհրաժեշտ է խոնավեցնող միջոց, հատուկ սկրաբներ, կարելի է նաև գազարի կամ վարունգի դիմակ(քերել, խառնել ձվի սպիտակուցի հետ)։
Աշնանը վիտամին C պարունակող կրեմները կօգնեն հանգստացնել և վերականգնել արևից վնասված մաշկը: Այս հզոր հակաօքսիդանտը նաև բարելավում է մաշկի երանգը, խթանում է կոլագենի արտադրությունը և նվազեցնում կնճիռների առաջացումը:
