Բաղադրիչներ
- Խմորի համար՝
- ալյուր - 3 բաժակ
- ձու - 1 հատ
- սերուցքային կարագ - 50 գր.
- կաթ - 250 մլ․
- խմորիչ - 0.5 ճ․գ․
- աղ - 1 թ․գ․
- բուսայուղ
- Միջուկի համար՝
- պանիր «Սուլուգունի» - 150 գր.
- սերուցքային կարագ - 20 գր․
- ձու - 1 հատ
- Երեսին քսելու համար՝
- պանիր «Սուլուգունի» - 50 գր․
- ձու - 1 հատ
- ձիթայուղ - 2 ճ․գ․
Պատրաստման եղանակը
Խմորը պատրաստելու համար
Խմորիչի վրա լցնել գոլ կաթը , թողնել հասունանա։
Ալյուրը մաղել թասի մեջ, ավելացնել փափկած կարագը ,ձուն , աղը , բուսայուղը , հասունացած խմորիչը , խմոր հունցել, թողնել 1,5-2 ժամ հասունանա։
Երբ խմորի ծավալը 2 անգամ ավելանա , ձեռքերին բուսայուղ քսել և նորից հունցել , թողնել նորից հասունանա, մեկ անգամ էլ կրկնել։
Միջուկը պատրաստելու համար
Պանիրը քերել քերիչով , խառնել մյուս բաղադրիչները ։
Խմորը գնդերի բաժանել ,յուրաքանչյուրը գրտնակել կլոր ,վրան դնել միջուկից , խմորի եզրերն իրար միացնել , գնդել , նորից բացել շրջանաձև , դնել յուղապատ տապակի մեջ ,երեսին քսել իրար հետ հարած ձվի ու ձիթայուղի խառնուրդից , շաղ տալ քերած պանիրը և թխել 230 C տաքացրած ջեռոցում 10-15 րոպե։ Հանել ջեռոցից, կտրատել եռանկյունաձև և մատուցել։
(No Ratings Yet)
Loading...
